ՏՀՏ գործատուների միությունն առաջարկում է ամեն ամիս աշխատավարձի 1%-ը հատկացնել կիբեռանվտանգության բերալավմանը

ՏՀՏ գործատուների միությունն առաջարկում է ամեն ամիս աշխատավարձի 1%-ը հատկացնել կիբեռանվտանգության բերալավմանը

ՏՀՏ գործատուների միությունը հանդես է եկել հայտարարությամբ` առաջարկելով ՏՀՏ համայնքին ամեն ամիս աշխատավարձի 1%-ը փոխանցել հիմնադրամի, որը կզբաղվի կիբեռանվտանգության համակարգի արդիականացմամբ: Հայտարարության մեջ մասնավորապես նշվում է.

«Վերջին օրերի իրադարձությունները ամբողջ աշխարհին ցույց տվեցին ինչպես հայկական զինված ուժերի մարտական բարձր ոգին, այնպես էլ ողջ հայ ժողովրդի համախմբվածությունը:

ՏՀՏ գործատուների միությունը պատրաստակամ է իր աջակցությունը ցուցաբերելու և համագործակցելու բոլոր շահագրգիռ կողմերի հետ՝ տեխնոլոգիական վերազինման, կիբերանվտանգության և այլ մասնագիտական հարցերում:

Արձանագրելով, որ այս օրերին Հայաստանում գործող բոլոր տնտեսվարող սուբյեկտներն աշխատել են բնականոն ռեժիմով՝ հավաստիացնում ենք բոլոր օտարերկրյա ներդրողներին, որ որևէ նոր ռիսկի գործոն չի ավելացել երկրում՝ իրենց բիզնես ծրագրերի իրականացման առումով:

Ազգային կոնսոլիդացման ընդհանուր ֆոնի վրա կոչ ենք անում ամբողջ գործարար հանրությանը շարունակել աշխատել ավելի մեծ եռանդով և նվիրումով:

Եվ վերջում դիմում ենք Հայաստանի ամբողջ տեղեկատվական և հեռահաղորդակցության տեխնոլոգիաների համայնքին, որպեսզի յուրաքանչյուր աշխատակից կամավորության սկզբունքով ամեն ամիս իր աշխատավարձի 1% փոխանցի համապատասխան հիմնադրամին, որի մասին լրացուցիչ կտեղեկացվի։ Իսկ հավաքագրված գումարները կօգտագործվեն Տեխնոլոգիական վերազինման, մասնավորապես՝ կիբեռանվտանգության համակարգի արդիականացման նպատակով»:

Բաժիններ: Հայաստան