Ի՞նչ անել, եթե Ձեր սմարթֆոնը չի լիցքավորվում

Ի՞նչ անել, եթե Ձեր սմարթֆոնը չի լիցքավորվում

Հավանաբար, շատերը բախված կլինեն սմարթֆոնի լիցքավորման հետ կապված խնդիրների, որոշ դեպքերում սմարթֆոնը, լիցքավորման գործընթացում գտնվելով հանդերձ, ոչ մի կենդանության նշան ցույց չի տալիս: Հաճախ օգտատերերը ճարահատյալ դեն են նետում իրենց սմարթֆոնները, իսկ իրականում կարող են վերացնել պատճառները, որոնց հետևանքով սմարթֆոնը «հրաժարվում» է լիցքավորվել: Առաջարկում ենք կարդալ ստորև ներկայացված խորհուրդները, որոնք, հնարավոր է՝ նոր կյանք հաղորդեն Ձեր սմարթֆոնին:

1. Ջնջե՛ք տարատեսակ աղբը

Եթե Դուք չեք կարողանում բաժանվել Ձեր սմարթֆոնից և ոչ մի րոպե, պահում եք այն գրպանում և տանում եք այն նույնիսկ ծովափ, ապա, հավանաբար, լիցքավորման բնում կուտակված կլինի բավականաչափ աղբ, ինչն էլ կխոչընդոտի սմարթֆոնի լիցքավորմանը: Դրա համար առաջին հերթին հայացք գցեք USB պորտին, այնուհետև մաքրեք փոշին ատամի խոզանակով:

2. Փոխեք կաբելը

Հաջորդ թույլ օղակը, որը պետք է ստուգել, USB լարն է: Նրանց կյանքը լի է փորձություններով, այդ պատճառով բացառված չէ, որ դրանցից շատերը «կզոհվեն» առանց զգուշացման: Ստուգելու համար կարող եք վերցնել այլ աշխատանքային կաբել և միացնել Ձեր սմարթֆոնին: Եթե դեռ խնդիր ունենաք, ուրեմն կարդացեք հաջորդ խորհուրդը:

3. Փորձարկեք լիցքավորման ադապտերը

Լիցքավորման ադապտերը ևս հաճախ խնդրի առարկա է հանդիսանում: Նախ դիպչեք դրան, որպեսզի ստուգեք ջերմաստիճանը: Չափից շատ տաք, ինչպես նաև չափից շատ սառը ադապտերը կարող է խոսել վերջինիս շարքից դուրս եկած լինելու մասին: Մաքրե՛ք ադապտերի գլխիկը, եթե դրա կարիքը կա: Կամ պարզապես գնեք նոր ադապտեր:

4. Գնեք նոր մարտկոց

Նոր տեխնոլոգիաները դարձրել են մարտկոցներն ավելի երկարակյաց, քան նախկինում էին, սակայն այնուամենայնիվ դրանք «անմահ» չեն: Եթե Դուք ինտենսիվ օգտագործում եք Ձեր սարքը արդեն մի քանի տարի, ապա, ամենայն հավանականությամբ, մարտկոցի կյանքը մոտեցել է ավարտին: Որպեսզի ստուգեք դա, պարզապես հանեք այն և համոզվեք, որ այն չի ուռել և չի ծռմռվել կամ «ծերության» այլ ախտանիշներ չունի:

5. Android օպերացիոն համակարգը հավաքում է սարքի օգտագործման մասին վիճակագրություն, որպեսզի թույլ չտա մարտկոցի ամբողջական լիցքավորում: Որոշ սարքերում ամբողջական լիցքը հանգեցնում է մի շարք խնդիրների՝ կապված ներքին լիցքավորման կարգավորչի հետ, ինչն էլ իր հերթին թույլ չի տալիս սարքին սովորականի պես լիցքավորվել: Այս պարագայում պետք է թարմացնել սմարթֆոնը՝ բերելով նրան գործարանային կարգավորումների: Սա, իհարկե, ծայրահեղ տարբերակն է և պետք է վարվել այսպես այն դեպքում, երբ վերը թվարկված տարբերակները չեն գործի: Սակայն այս քայլին գնալուց առաջ չմոռանաք նախապես պատճենել սմարթֆոնի ողջ ինֆորմացիան:

Աղբյուրը՝ LifeHacker

Բաժիններ: Լայֆ Հաք, Մոբայլ