Հունիսի 10-ին Սինոփսիս Մաունթին Վյու կամպուսում (Կալիֆորնիա, ԱՄՆ) տեղի կունենա Հայաստանի ՏՏ ֆորումը (Armenia IT forum)՝ Արմթեք համաժողովի շրջանակում:
Ֆորումը կկենտրոնանա նորաստեղծ ընկերությունների հետ կապված թեմաների վրա` ներկայացնելով, մասնավորապես, Հայ-ամերիկյան ՏՏ աքսելերացիոն ծրագրի արդյունքերը:
Միջոցառման ընթացքում կքննարկվեն հետևյալ թեմաները՝
- Հայաստանի ՏՏ ոլորտ. զարգացումները և հաջողության պատմությունները,
- Գլոբալ նորաստեղծ ընկերությունների էկոհամակարգի ստեղծում և կապ համաշխարհային շուկայի հետ,
- Ներդրումներ. Հայաստանում ներդումների հնարավորություններ և մարտահրավերներ,
- Կրթության դերը նորաստեղծ ընկերությունների ներուժը բացահայտելու գործում:
Հայաստանի ՏՏ ֆորումը կազմակերպում են Ձեռնարկությունների ինկուբատոր հիմնադրամը, ՀՀ կառավարությունը, Համաշխարհային բանկը, Ձեռներեցության զարգացման և ղեկավարների վերապատրաստման կենտրոն (CEED) հիմնադրամի հետ համատեղ` ՏՏ ձեռնարկությունների միության և ՏՀՏ գործատուների միության հետ համագործակցությամբ:
Գրանցումը ներկայումս հասանելի է հետևյալ հղումով` http://goo.gl/forms/NCsoTSSoLBnASM5g2: