Այժմ ռոբոտները կարող են նաև «բազմանալ»

Այժմ ռոբոտները կարող են նաև «բազմանալ»

Ամստերդամի ազատ համալսարանի մի խումբ գիտնականներ թողարկել են Robot Baby նախագիծը, որի շրջանակներում հնարավոր կլինի մեխանիկական բաղադրիչների միջոցով լաբորատոր պայմաններում «նոր կյանք» ստեղծել: Այս փորձարկման նպատակն է ստեղծել համակարգչային ալգորիթմեր, որոնց կիրառությամբ ռոբոտները կկարողանան վերարտադրվել:

 

Շարժական մասերից բաղկացած մեխանիզմները ինքնուրույն կընտրեն համապատասխան զույգ՝ ալգորիթմերի համապատասխանության հիման վրա: Եթե մեկ ռոբոտը «հավանի» մյուսին էվոյուցիայի տեսանկյունից, տեղի կունենա «գենոտիպի»` կոդերի ու կոնֆիգուրացիայի փոխանակում: Տվյալները Wi-Fi-ի միջոցով կուղարկվեն 3D պրինտերին՝ նոր նմուշ ստեղծելու համար:

Ինչպես հայտնում են գիտնականները, Robot Baby-ն առաջին քայլն է ռոբոտացված էկոհամակարգին ընդառաջ: Այսպես, ինքնամոդիֆիկացվող ռոբոտները կարող են հարմարվել իրավիճակին և շրջակա միջավայրին ինքնուրույն՝ չսպասելով մարդկանց միջամտությանը:

Աղբյուրը՝ TechCrunch