Որտեղից բեռնել վերջին օրերի մեգահիթ դարձած Pokemon GO խաղը

Որտեղից բեռնել վերջին օրերի մեգահիթ դարձած Pokemon GO խաղը

Բոլորովին վերջերս թողարկված Pokemon GO խաղը կայծակնային արագությամբ առաջին հորիզոնականներ զբաղեցրեց App Store-ում և Google Play-ում: Սակայն այն առայժմ հասանելի է միայն ԱՄՆ-ում, Նոր Զելանդիայում ու մի քանի այլ երկրներում: Իսկ ինչպես բեռնել խաղը, եթե Դուք չեք գտնվում վերոնշյալ երկրներում:

Նշենք, որ Pokemon GO-ն մշակել են Nintendo, The Pokémon Company և Niantic ընկերությունները: Խաղում օգտագործվում են լրացված իրականության տեխնոլոգիաներ: Խաղում պետք է գտնել թաքնված ծիծաղելի արարածներին` պոկեմոններին: Սակայն դա պետք է անել ոչ թե տանը նստած, այլ քաղաքով մեկ վազելով: Խաղում կան հետաքրքիր թաքստոցներ: Խաղի հիմքում է ընկած Niantic ընկերության բավական հայտնի Ingress խաղի տվյալների բազան, ինչը մեծ հնարավորություններ է տալիս նոր խաղին: Խաղի ներսում կազմակերպվում են նաև մրցույթներ:

Եվ այսպես, ինչպես տեղադրել այս խաղը:

iOS օգտագործողները պետք է փոխեն իրենց Apple ID-ի տվյալները:

  • Մուտք գործեք «Կարգավորումներ» → «Հիմնական» → «Լեզու և տարածաշրջան» և ընտրեք Ավստրալիա, Նոր Զելանդիա կամ ԱՄՆ:
  • Այնուհետև App Store-ում գտեք Pokemon GO խաղը:
  • Բեռնեք այն և տեղադրեք:
  • Այս քայլերից հետո կարող եք նորից փոփոխել Apple ID-ն:

Android օգտագործողների գործն ավելի հեշտ է. պետք է կարգավորումներում թույլատրել անծանոթ աղբյուրներից հավելվածների տեղադրումն ու բեռնել այս ֆայլը:

Արդեն փորձեցի՞ք խաղալ. կարծիքներով կիսվեք մեկնաբանություններում 🙂