Ի՞նչի է ընդունակ Մարկ Ցուկերբերգի «Խելացի տունը»

Ի՞նչի է ընդունակ Մարկ Ցուկերբերգի «Խելացի տունը»

Տարվա սկզբին Facebook-ի հիմնադիր Մարկ Ցուկերբերգը հայտարարեց, որ պլանավորում է մեկ տարվա ընթացքում զարգացնել պարզ արհեստական ինտելեկտ, որը կօգնի տան կառավարման հարցում, ինչպես Ջարվիսը «Երկաթե մարդը» ֆիլմում: Օրերս Ցուկերբերգն իր էջում հրապարակեց տեսանյութ, որով աշխարհին ցույց տվեց սեփական Ջարվիսի կարողությունները: Մարկը խոստովանել է, որ Ջարվիսի ստեղծման համար ծախսել է ընդամենը 100-150 ժամ և այս ընթացքում կարողացել է շատ բաներ սովորեցնել նրան:  Ներկայացում ենք, թե ինչի է ընդունակ Մարկի «խելացի տունը»:

Միացնել և անջատել լույսը

Լուսավորության և ջեռուցման համակարգի կառավարում – սա այն բազային կարողությունն է, որը հատուկ է գրեթե բոլոր «խելացի տներին»: Սովորաբար նման հարցերը լուծում են արդեն իսկ պատրաստի Philips Nue լամպերի և Nest թերմոստատի միջոցով: Մարկ Ցուկեռբերգի տան դեպքում լուսավորության, ձեռուցման և դռների կառավարման համակարգը Crestron ընկերության միջոցով է արված:

Երաժշտություն միացնել

Արհեստական ինտելեկտը բավականին զարգացած է, որպեսզի հասկանա ոչ միայն երգի ու կատարողի անունով ճիշտ երաժշտության հրահանգը, այլ նաև Ջարվիսը կարող է ինքնուրույն ընտրել նման կատարողների և միացնել նախընտրելի ժանրի նախընտրելի երգը: Ի դեպ, Մարկը տանել չի կարողանում Nickelback-ը և դրա մասին գիտի Ջարվիսը:

tw2xijlm4tjdmdijzycpua

Մարկին և Պրիսցիլային տարբերելու կարողություն

Արհեստական ինտելեկտի համար կարևոր է հրահանգը  հստակ հասկանալը, բացի այդ Ջարվիսը կարողանում է տարբերել Մարկի ձայնը նրա կնոջ Պրիսցիլայի ձայնից և «վառիր լույսը» հրահանգի դեպում հստակ գիտի, թե որ սենյակի ու ում համար վառի լույսը: Երաշտության դեպքում էլ՝ ում ճաշակին համապատասխան երգ ընտրի:

Հասկանալ՝ ով որտեղ է գտնվում

Ջարվիսը հասկանում է որ սենյակից են իրեն դիմում  և հաստատ երաժշտություն չի միացնի, լույսը չի վառի քնած երեխայի սենյակում: Արհեստական ինտելեկը կողմնորոշվում է թե որ սենյակից են հրահանգը տալիս և որտեղ է հարկավոր կատարել գործողությունը:

Դայակություն երեխայի համար

Ջարվիսը սովորել է հետևել Մարկի փոքրիկ դստերը՝ Մաքսին, վտանգներից հետ պահելու համար, նաև ուսուցանում է Պրիսցիլայի լեզուն՝ չինարենի մանդարին բարբառը:

Դիմավորել հյուրերին

Տան մուտքի մոտ տեղադրված է մի քանի տեսախցիկ, որոնց օգնությամբ Ջարվիսը տեսնում է, դեմքերը անալիզի է ենթարկում, Մարկի շրջապատի բազայում գրանցված մարդկանց մեջ փնտրում և ճանաչում և հաղորդում է տան տերերին, թե ովքեր են հյուր եկել նրանց և դուռն ինքնուրույն բացում է:

qz23dzvtvv9fzku0-ltokw

Միացնել տոստերը, կրակել նոր մոխրագույն շապիկ, շանը կերակուր լցնել և այլ կենցաղային գործողություններ Ջարվիսն արդեն սովորել է:

Խոսել Մորգան Ֆրիմանի ձայնով

Ջարվիսը խոսում է աշխարհի ամենահաճելի ձայներից մեկով՝ Մորգան Ֆրիմանի ձայնով, համենայնդեպս տեսանյությում ձայնը համապատասխանում է Մորգանի ձայնին, բայց հենց դերասանը չի ձայնագրվել Ջարվիսի համար:

Ջարվիսը կարողանում է բարկանալ Արնոլդ Շվարցնեգերի ձայնով, որի համար հենց դերասանն է առաջարկել ու ձայանգրվել:

After seeing Jarvis from my perspective and Priscilla's, we thought it would be funny to do one from the AI's perspective too. Morgan Freeman is absolutely brilliant.

Posted by Mark Zuckerberg on Mittwoch, 21. Dezember 2016

Հրահանգներ ստանալ Facebook-ով

Facebook Messenger-ի բոտերը Մարկը ստեղծել է Ջարվսի հետ շփման համար: Նա նշել է, որ ավելի նախընտրում է Facebook-ով շփումը:

zxwmlxyqjfoglzrcfl-7hw

Լսելու կարողություն

Մարկը ստեղծել է հատուկ հավելված, որի միջոցով կարողանում է խոսել Ջարվիսի հետ: Այն թույլ է տալիս տեղեկանալ և կառավարել տունը, նույնիսկ տանից բացակայության ժամանակ: Ցուկերբերգը իր հավելվածն Amazon Echo-ից և Google Home-ից ավելի հարմարավետ է համարում:

After a year of coding, here's Jarvis.

Posted by Mark Zuckerberg on Dienstag, 20. Dezember 2016

Սա դեռ ամենը չէ, Մարկը շարունակում է զարգացնել ու նոր գործողություններ սովորեցնել Ջարվիսին: Այս հարցում Մարկը ակնկալում է նաև իր հետևորդների օգնությունը՝ նոր գաղափարների ու լուծումների տեսքով: