Global Game Jam 2017 հեքեթոնին գրանցման վերջնաժամկետն այսօր է

Global Game Jam 2017 հեքեթոնին գրանցման վերջնաժամկետն այսօր է

Վաղը կմեկնարկի Հայաստանում առաջին անգամ անցկացվող Global Game Jam խաղերի միջազգային հեքեթոնը։ Գրանցումը ակտիվ է այսօր մինչև ժամը 20:00-ն: Ի դեպ, GGJ Armenia 2017 միջոցառման հասցեն փոխվել է: Այն տեղի կունենա Հայաստանի Ամերիկյան Համալսարանի (ՀԱՀ) նորաբաց Ձեռներեցության և Նորարարական Տեխնոլոգիաների Կենտրոնում (EPIC):

Հեքեթոնը կնպաստի ոլորտի մասնագետների և ընկերությունների միջև շփման ակտիվացմանը, կմեծացնի հետաքրքրությունը ծրագրավորման և հատկապես խաղերի ստեղծման նկատմամբ:

GGJ խաղային հեքեթոնը կտևի 48 ժամ։ Տեղում կհայտարարվի ստեղծվելիք խաղի տարվա թեման, որը որոշվում է GGJ-ի կողմից։ Այնուհետև մասնակիցներից կձևավորվի  2-5 հոգանոց թիմեր։ Խաղերի տեսակը կարող է լինել վիդեո խաղ կամ սեղանի խաղ (board game):  

Այս տարի մասնակցելու են 50 հոգի։Մասնակիցները պիտի լինեն չափահաս: Մասնակցելու համար անհրաժեշտ է գրանցվել GGJ-ի կայքում և միանալ “GGJ Armenia”-ին՝ հետևելով այս հղմանը և սեղմելով Join This Jam Site կոճակը։

Նշենք, որ այս հեքեթոնը կազմակերպվում է 2009թ․-ից և 2016թ․-ի հունվարին GGJ-ին մասնակցել են 93 երկիր, կազմակերպվել է 630 վայրում։ 2017թ-ին մասնակցելու են 98 երկիր՝ այդ թվում նաև Հայաստանը։  Միջոցառման կազմակերպիչներն են Noor Games-ը և Union of Information Technology Enterprises-UITE-ն։ 

Թեգեր: GGJ 2017, GGJ Armenia