Որակյալ գրաֆիական պատկերներ ստանալու համար անհրաժեշտ են հատուկ գործիքներ, որոնք կարող են այնքան էլ մատչելի չլինել: Ներկայացնում ենք անվճար Gravit գործիքը, որը կարողանում է այդ ամենն անել որակով և անվճար:
Gravit-ը օնլայն խմբագիր է լոգոներ, բաներներ և գրաֆիկական պատկերներ ստեղծելու համար: Այն թույլ է տալիս լուծել թվային դիզայնի հետ կապված ցանկացած խնդիր: Վերջերս Gravit-ը հասանելի դարձավ բոլոր դեսքթոփ հարթակների համար (Mac, Windows, Linux):
Ծրագրում կա ամբողջական գործիքակազմ՝ նախատեսված վեկտորային գրաֆիկայի համար: Հավելվածում հասանելի են տարբեր երկրաչափական ֆորամներ, գործիքներ, պատկերների ձևափոխման, գրաֆիկական մոդելավորման, տեքստեր ավելացնելու համար նույնպես: Բացի այդ էլ ծրագիրն ունի վեկտորային օբյեկտների շտեմարան, որը բաց է աշխատանքներում օգտագործման համար:
Արդեն իսկ պատրաստի աշխատանքները կարելի է պահպանել PNG, JPG կամ SVG ֆորմատներով: