Հունիսի 5-ին մեկնարկել է Apple-ի ամենամյա կոնֆերանսը՝ WWDC 2017-ը, որի ընթացքում ընկերությունը ներկայացրեց մի շարք նորություններ և տեղեկացրեց սպասվող թարմացումների մասին: Սովորաբար WWDC կոնֆերանսին խնձորային ընկերությունը կենտրոնանում է հավելվածների, ծառայությունների և օպերացիոն համակարգի վրա, այս տարի տեսանք նաև նոր սարքավորումներ: Պատմում եմք նորույթների մասին:
iOS 11
iOS 11. նոր օպերացիոն համակարգ, որում ակտիվորեն գործարկված են մեքենայական ուսուցման հնարավորությունները: Ընկերությունը մեծ ուշադրություն է դարձրել Siri-ի վրա: Այժմ ձայնային օգնականը կարող է խոսել 21 լեզվով՝ 36 երկրում և ստացել է տղամարդու և կնոջ նոր ձայներ: Siri-ն կարող է իրական ժամանակում թարգմանել խոսքը, իսկ ձայնի հնչողության տատանումներն ավելի բնական են դարձնում խոսքը և նմանեցնում մարդկայինին:
Ավելացել են նոր վիդջեթներ և ֆունկցիաներ, համալրվել է 3D Touch հնարավորությամբ:
Եվս մեկ կարևոր նորույթ՝ առաջին անգամ 10 տարվա ընթացքում թարմացվել է App Store-ի դիզայնը: Այն հիշեցնում է թվային ամսագրեր՝ Pinterest-ին և Flipboard-ին: Ավելացել է «Today» պատուհան՝ նոր հավելվածներով, նաև առանձին բաժին խաղերի համար: Հավելվածների էջերը դարձել են ավելի ինֆորմատիվ՝ խորհուրդներով և տեղեկատու նյութերով:
iPad-ի վրա օպերացիոն համակարգը ավելացնում է ներքևում նոր պանել՝ բացված հավելվածներով՝ macOS-ի նմանությամբ:
Ի շնորհիվ նոր Files հավելվածի՝ համակարգի ֆայլերի կառավարումն ավելի պրակտիկ կդառնա: Այն աշխատում է մեկ պատուհանի սկզբունքվ՝ Box և iCloud ամպային համակարգերի համար ու թույլ է տալիս ստեղծել թղթապանակներ, անվանումներ տալ դրանց և ավելացնել ու պահպանել ֆայլերը:
iOS 11 թարմացված ՕՀ-ն կգործարկվի և հասանելի կդառնա բոլորին այս տարվա աշնանը, իսկ առաջին beta տարբերակը կհայտնվի հունիսի վերջին:
Նոր iPad
Apple-ը ներկայացրեց 10,5 դյույմանոց iPad Pro: Կորպուսի չափերը պահպանվել են, իսկ դիսփլեյը մեծացել է շրջանակի նեղացման հաշվին: Նոր պլանշետը կշռում է 450 գ.: Էկրանը պատրաստված է ProMotion տեխնոլոգիայով:
6 միջուկով A10X պրոցեսորի շնորհիվ՝ նոր iPad Pro-ն 30%-ով դարձել է առավել արդյունավետ: Գրաֆիկան բարելավվել է 40%-ով՝ 12 միջուկով գրաֆիկական պրոցեսորի շնորհիվ: Ըստ Apple-ի ներկայացուցիչների՝ ընդհանուր առմամբ առաջին iPad-ից 500 անգամ ավելի արդյունավետ տարբերակ է այս մեկը: Հիմնական տեսախցիկը 12 Մպ է, օպերացիոն հիշողությունը՝ 64 Գբ: Այն կարող է ակտիվ ռեժիմում աշխատել 10 ժամ: Գինը սկսում է 649 դոլարից:
macOS High Sierra
Համակարգիչների նոր օպերացիոն համակրգն անվանվել է High Sierra, որում կհայտնվի բարելավված Safari բրաուզեր՝ ավելի արագ աշխատող ու էներգախնայող: Ավելին, բարելավվել են հսկողության դեմ ծրագրի կարգավորումները: Ըստ Apple-ի՝ Safari-ն 80%-ով արագ է Chrome-ից:
Ծրագրավորողներին High Sierra-ի beta տարբերակն արդեն իսկ հասանելի է:
iMac Pro
iMac Pro` ամենահզոր համակարգիչը, որն Apple-ը երբևէ թողարկել է: Այն ստացել է 8, 10 կամ 18 միջուկանի Xeon պրոցեսոր, 16 Գբ հիշողությամբ Radeon Vega տեսաքարտ: Օպերացիոն հիշողություն՝ մինչև 128 Գբ, մինչև 4 Տբ SSD:
https://youtu.be/a38_qR-S8Yo
HomePod
Google Home-ի և Amazon Echo-ի պատասխանը: Apple-ը ներկայացրել է խելացի սարք՝ ձայնային օգնականով և որակյալ հնչողությամբ:
Սարքը ունի 7 բարձր հաճախականությամբ դինամիկներ և մեկ subwoofer: Ինֆորմացիայի մշակման համար օգտագործվել է A8 պրոցեսոր, ինչպես iPhone-ում: Դրա օգնությամբ HomePod-ը կարգավորում է ակուստիկ ալիքները սենյակներում:
HomePod-ը ստացել է 6 բարձրախոս, որպեսզի Siri-ն կարողանա առավելագույնս հստակ հասկանալ և տարբերել օգտատերերի ձայները: Այն ակտիվանում է ՛՛Hey, Siri” սովորական դարձած հրահանգով:
https://youtu.be/1hw9skL-IXc
Օգնականը կարող է պատասխանել երաժշտական դժվար հարցերի, ինչպես օրինակ՝ որ երգն է հիթ եղել 2011-ի մայիսին, կամ էլ ով է նվագում հարվածային գործիքները և այլն: Այս ամենը փաստում է Apple Music-ի սերտ ինտեգրացման մասին:
Siri-ն կարելի է հարցնել եղանակի, երթևեկության, սպորտային իրադարձությունների մասին, ինչպես նաև սահմանել հիշեցումներ: Խելացի տան HomeKit համակարգի հետ այն նույնպես կաշխատի, HomePod-ը կարող է կառավարել օդաորակիչները, լուսավորությունը, վարագույրները և այլն:
Սարքը վաճառքի կհանվի 349 դոլարով, սպիտակ և սև գունային տարբերակներով: Այս տարվա դեկտեմբերին այն կհայտնվի ԱՄՆ-ում, Կանադայում, Մեծ Բրիտանիայում, Ավստրալիայում և Հոնկոնգում:
watchOS 4
Apple Watch-ի օպերացիոն համակարգում ևս թարմացումներ են արվել: Այն ավտոմատ կերպով կկարողանա ընտրել գլխավոր էկրանին ցուցադրվող ինֆորմացիան:
Խելացի ժամացույցը կկարողնա NFC-ով կապվել ֆիթնես մարզասարքերի հետ: Այս ամենի համար պետք է սպասել մինչև աշուն: Այլ նորարարությունների շարքում է նաև լապտերի հավելվածը և Bluetooth-ով տվյալների փոխանցումը այլ սարքավորումների հետ:
