Ամեն տարի Apple-ն ընտրում է մի քանի հավելվածներ, որոնք ամենահարմարն ու գեղեցիկն են iOS պլատֆորի համար: Ներկայացնում ենք այս տարվա հավելվածների ընտրանին iPhone-ի և iPad-ի համար:
1. Blackbox
Սա գլուխկոտրուկ է, որը խաղացողին մտցնում է փակուղի, որից հետո հասկանում եք, որ խաղի ամբողջ ընթացքում լուծման բանալին ձեր աչքի առաջ էր, ձեռքի տակ էր:
2. Things 3
Things 3-ը կարելի է համարել բոլոր մյուս սովորական առաջադրանքների ցանկեր ստեղծելու հավելվածների նման, բայց այն իր տեսակի մեջ լավագույններից է: Դիզայնի յուրաքանչյուր էլեմենտ մտածված է և օգտակար: Այն ավելի հարմարավետ կդարձնի գործողությունների ցանկեր կազմելը:
3. Mushroom 11
Եվս մեկ գլուխկոտրուկ փազլ, այստեղ ժելեյի նման նյութի դերում եք, որը ճկունորեն ընդունում է ցանկացած ձև՝ ըստ իրավիճակի: Անթերի վիզուալ ոճը լրացնում է բրիտանական դուետ The Future Sound of London-ի սաունդթրեքները:
4. Lake
Այս հավելվածը թույլ է տալիս գունավորել տարբեր պատկերներ՝ ըստ ցանկության: Գաղափարը պարզ է, բայց իրականացված է հետաքրքիր կերպով:
5. Splitter Critters
Այս խաղում փոքրիկ էակներին պետք է հասցնել վերջնակետին և անցնել աշխարհը, իսկ դա պետք է արվի խաղային ախշարհը պատռելով մասերի բաժանելու միջոցով, որով էլ փոքրիկ էակների համար կստեղծեք նոր ճանապարհներ, որոնցով կարող են առաջ շարժվել և հաղթահարել ճանապարհին հանդիպող խոչընդոտները:
6. Bear
Սա նշումներ ստեղծելու համար նախատեսված պարզ հավելված է, որն աշխատում է ոչ միայն iPhone-ի կամ iPad-ի վրա, այլ նաև macOS-ի: Այն ունի անհրաժեշտ բոլոր գործիքները նշումներ ստեղծելու, խմբագրելու, նկարներ և այլ մեդիաֆայլեր կցելու համար: Հավելվածում նշումներ հնարավոր է անել նաև Apple Pencil-ով:
7. Elk
Սա ճամփորդության ժամանակ կարող է դառնալ անփոխարինելի հավելված՝ փոխարժեքներ փոխելու համար: Այն ինքնություն է ձեր գտնվելու վայրը և նախապես էկրանին ցուցադրում է տվյալ երկրում գործող արժույթը: Ինտերֆեյսը զերծ է ավելորդություններից:
8. AirMail 3
Այս հավելվածն կարող է հիասքանչ այլընտրանք դառնալ այն մարդկանց համար, ովքեր նախկինում ունեցել են բազմաթիվ փոստային հասցեներ` տարբեր նպատակներով օգտագործելու համար: Ամենամեծ առավելություններից մեկն այն է, որ օգտատերը կարող է իրեն հարմարեցնել ինտերֆեյսը, մենյուն և այլն։
9. Enlight
Հավելվածը Photoshop-ին փոխարինող մոբայլ տարբերակն է: Enlight-ում մշակված են բարդ ալգորիթմներ, որոնք առավելագույնս ճշգրիտ խմբագրում են նկարները: Նշենք, որ միևնույն ժամանակ ինտերֆեյսը պարզ է:
10. Old Man’s Journey
Այս խաղը կյանքի թանկ ակնթարթների, կոտրված երազանքների և փոփոխված պլանների մասին է: Old Man’s Journey-ն լի է ձեռքով նկարված գեղեցիկ դետալներով: Սա ծերուկի կյանքի էմոցիոնալ պատմություն է:
11. Severed
Այստեղ խաղացողն արթնանում է և հայտնվում անծանոթ և ահասարսուռ աշխարհում: Սատանան նրան տալիս է թուր և ուղարկում է կռվի չար ոգիների դեմ: Խաղի կերպարը կարող է վերցնել սպանված հակառակորդների մարմնի մասերը և ավելացնել իր ֆունկցիաները: Նշենք, որ Severed-ը 2016-ին ճանաչվել է iPad-ի համար լավագույն խաղը:
12. Kitchen Stories
Այս խոհարարական հավելվածում տեսանյութերը և նկարները ոչ միայն գեղեցիկ են նկարահանված, այլ նաև ինֆորմատիվ են և թույլ են տալիս սովորել նոր բաղադրատոմսեր, որոնք թարմացվում են ամեն շաբաթ: