Կազմակերպիչները խոսեցին եզակի՝ «EPIC» ռոք փառատոնի մասին

Կազմակերպիչները խոսեցին եզակի՝ «EPIC» ռոք փառատոնի մասին

EPIC միջազգային նախագծի շրջանակներում կայանալիք EPIC Օpen Air Rock Fest 2017 նախագծի մամուլի ասուլիսին կազմակերպիչները ներկայացրել են միջոցառման նպատակը, ծանոթացրին մասնակցության պայմաններին և օրակարգին:

Մամլուլի ասուլիսին ներկա էին «EPIC» նախագծի համահիմնադիրներ, ինչպես նաև գործընկեր կառույցների և ընկերությունների՝ ՀՀ Զբոսաշրջության պետական կոմիտեի, Հայաստանի ռոք ասոցիացիայի, «Ռոստելեկոմ» Հայաստանի, «Ռադիո Վան»-ի և խմբերի ներկայացուցիչներ։

«Ռոստելեկոմը» աջակցում է նախագծի իրականացմանը և կազմակերպչական աշխատանքներին, փառատոնին ներկայանալու է առանձին տաղավարով։

EPIC Օpen Air Rock Fest 2017 կմեկնարկի օգոստոսի 12-13-ը Ծաղկաձոր քաղաքում:

EPIC Օpen Air Rock Fest2017-ը արդեն իսկ ճանաչվել է ԱՊՀ երկրների տարածքում անցկացվելիք լավագույն 5 երաժշտական փառատոններից մեկը։

This slideshow requires JavaScript.

«Սա հրաշալի տոն է ոչ միայն ռոքասերների այլ նաև բոլոր երաժշտասերների, ինչպես նաև իրենց երաժշտական էմոցիաները բացահայտել ցանկացողների համար: Փառատոնի նպատակն է միավորել հազարավոր երաժշտասեր մարդկանց, ստեղծել այնպիսի միջավայր, որտեղ մարդկային հույզերի, էներգետիկայի բախումը կվերածվի իսկական հրավառության: Մասնակիցներին հնարավորություն կընձեռվի վայելել հայտնի ռոք խմբերի կենդանի կատարումները»,—նշեցին փառատոնի հիմնադիրները։

Միջոցառմանը  հանդես կգան ինչպես Հայաստանից, այնպես էլ Վրաստանից, Եվրոպայից  և այլ երկրներից հրավիրված երաժիշտներ: Մասնակից խմբերի կազմում են ԴՈԳՄԱ / DOGMAVostan Hayots – Ոստան ՀայոցVordan KarmirEMPYRAYRozen TalNemraVishup EnsembleThe Black Marrows:

Նախագծի մասին մանրամասները ներկայացված են այստեղ: