Հայտնի է դարձել ՏՏ ոլորտում համաշխարհային ներդրման համար ՀՀ նախագահի 2017թ. մրցանակակրի անունը: Այս տարի այն կստանա Nest labs ընկերության հիմնադիր, IPod ապրանքանիշի ստեղծող Թոնի Ֆադելը։ Վերջինս նախագծել և իրականացրել է IPod-ը և IPhone-ը, որոնք փոխել են գլոբալ արդյունաբերությունը, տնտեսությունը և մարդկության զարգացման ընթացքը:
Մրցանակը յուրաքանչյուր տարի շնորհվում է համաշխարհային ՏՏ ոլորտում բացառիկ ներդրումներ կատարած հեղինակավոր անհատի, որի ներդրումները ՏՏ ոլորտում բերել կամ բերում են հեղափոխական կամ համանման բնույթ ունեցող զարգացումների:
ՏՏ ոլորտում համաշխարհային ներդրման համար ՀՀ նախագահի նախորդ տարվա մրցանակը ստացել էր Լուի Պուզանը՝ Open-Root կազմակերպության գլխավոր տնօրենը: