Վարչապետը ծանոթացել է Sevan Startup Summit-ի զարգացման հեռանկարներին

Վարչապետը ծանոթացել է Sevan Startup Summit-ի զարգացման հեռանկարներին

Կարեն Կարապետյանին են ներկայացվել Sevan Startup Summit-ի զարգացման հեռանկարները` կառավարությունում տեղի ունեցած խորհրդակցության ընթացքում։

Sevan Startup Summit 2017-ը հյուրընկալել է շուրջ 4000 մասնակիցներ և հյուրեր աշխարհի 23 երկրներից, փակված գործարքների գումարը գերազանցել է 200 հազար դոլարը, իսկ մրցանակային ֆոնդը գերազանցել է նախատեսված 40 հազարը և հասել 50 հազար դոլարի։

Սամմիթի ընթացքում սթարթափներով հանդես եկող թիմերը հնարավորություն են ունենում օրեր շարունակ շփվել, ծանոթանալ ինչպես միմյանց, այնպես էլ Հայաստանից և արտերկրից հրավիրված տարբեր ձեռնարկատերերի, մասնագետների և բանախոսների, բարձրակարգ ծրագրավորողների և ներդրողների հետ:

2018թ.-ին Սամմիթը նախատեսում է ընդլայնել իր աշխարհագրությունը և մի շարք միջոցառումներ անցկացնել աշխարհի տարբեր երկրներում՝ «Seaside Startup Summit» անվանմամբ։ Վարչապետը ողջունել է միջոցառման անցկացումը և ընդգծել, որ կառավարությունը պատրաստ է տարբեր հարցերում կազմակերպիչներին ցուցաբերել անհրաժեշտ օժանդակություն: