Amazon-ի հիմնադիր Ջեֆ Բեզոսը «հավերժական» ժամացույց է կառուցում, որն առանց մարդկային միջամտության աշխատելու է 10 հազար տարի:
Twitter-ում նա հրապարակել է հսկա մեխանիզմի տեղադրման տեսանյութը: Ծրագրի մեջ 42 միլիոն դոլար է ներդրվել: Երբ աշխատանքներն ավարտվեն, ժամացույցը կբացվի զբոսաշրջիկների համար: Սարքը գտնվում է Տեխասի արևմուտքում՝ լեռան խորքում: Կոնստրուկցիայի բարձրությունը 152 մետրից ավել է:
Բեզոսը պատմել է, որ սարքն աշխատում է ցերեկային և գիշերային ջերմաստիճանների փոփոխության հաշվին: Ժամացույցի ստեղծման վրա, որն Amazon-ի հիմնադիրը «Երկարատև մտածողության խորհրդանիշ» է անվանել, աշխատում են հանճարեղ Դենի Հիլիսը, Զանդեր Ռոուզը և մի մեծ թիմ: Քաղաքակրթությունն անկում կապրի, ներկայիս պետությունները կդադարեն գոյություն ունենալ, ի հայտ կգան կառավարման նոր ձևեր: Ոչ ոք չի կարող պատկերացնել աշխարհը 10 հազար տարի անց, ասում է Բեզոսը: «Բայց մենք կփորձենք դա անել ժամացույցի օգնությամբ»,- ավելացնում է նա:
Installation has begun—500 ft tall, all mechanical, powered by day/night thermal cycles, synchronized at solar noon, a symbol for long-term thinking—the #10000YearClock is coming together thx to the genius of Danny Hillis, Zander Rose & the whole Clock team! Enjoy the video. pic.twitter.com/FYIyaUIbdJ
— Jeff Bezos (@JeffBezos) February 20, 2018
