Այսուհետ ԱՄՆ մեկնել ցանկացողներին ուղղակիորեն վիզա չեն տրամադրի։ Դիմողը պետք է ցույց տա, թե ինչ հրապարակումներ է արել վերջին 5 տարիներին սոցցանցերում։
Bloomberg–ի փոխանցմամբ, նման խիստ վերահսկողություն անցյալում միայն տերորիստական խմբավորումների հովանու ներքո գտնվող անձանց համար էր սահմանված։ Իհարկե, բացառություններ կան, սոցցանցային ստուգումներ չեն իրականացվի դիվանագետների և բուժման նպատակով մեկնողների դեպքում։
Օրենքը դեռ ուժի մեջ չի մտել, բայց այն հայտնվել է ԱՄՆ–ի կառավարության պաշտոնական կայքում։ Բնականաբար, դժգոհության ալիք բարձրացել է, որովհետև վիրտուալ կյանքը օգտատերերի անձնական տարածք է համարվում։ Նման օրենքին դեմ են արտահայտվել ինչպես օգտատերերը, այնպես էլ` մասնագետներն ու փորձագետները։
