Apple–ը լրջորեն աշխատում է իր խելացի ժամացույցնենրի` iWatch–երի դիզայնի վրա։ Ավելի վաղ հայտնել էինք, որ խելացի ժամացույցի 4–րդ սերնդի էկրանը կմեծանա շուրջ 15 %–ով։ Փոփոխություններն այսքանով չեն ավարտվել։ Ինսայդերներից հայտնի է դարձել, որ ամերիկյան տեխնոբրենդը պատրաստվում է նոր սերնդի խելացի ժամացույցները զինել դիմային տեսախցիկով և Face ID համակարգով։
Ընկերությունն, իհարկե, Face ID գործառույթի մասին չի բարձրաձայնում, բայց նշում է, որ դիմային տեսախցիկը կունենա ներդրված սենսոր` տարածքում գտնվող օբյեկտները տեսանկարահանելու հնարավորությամբ։
