Միանգամից մի քանի ընկերություն այս տարի կներկայացնեն ճկվող էկրանով սմարթֆոններ: Այդ թվում նաև՝ SamsungElectronics, LG, Oppo, Lenovo, Huawei և ZTE ընկերությունները: Այս ընկերությունները արդեն թեստավորում են նորույթների նախատիպերը:
Ճկվող էկրանով ամենասպասված սմարթֆոնը, ըստ ինսայդերների, Galaxy X է: Ամենայն հավանականությամբ սմարթֆոնի շնորհանդեսը ամենաուշը կկայանա այս տարվա վերջին: Ընկերությունը խոստացել է՝ իր Galaxy X սմարթֆոնները զարմացնելու են բոլորին:
Հաշվի առնելով Huawei արագ զարգացումներն ու աճող մասսայականությունը՝ օգտատերերի սիրելին կդառնա նաև իր ծալվող սմարթֆոնը: Չինական ընկերությունը իր նորույթը կներկայացնի կրկին 2018-ի վերջին հատվածում: Սմարթֆոնը կունենա մատնահետքերի և դեմքի ճանաչման նոր տեխնոլոգիա:
Oppo, LG, Lenovo և ZTE ընկերությունների ծրագրերն այդքան էլ պարզ չեն: Չնայած ընկերություններն ունեն սմարթֆոնների նախատիպերը, բայց դրանք, մեծ հաշվով, չեն տարբերվում իրենց նախորդներից: