Սինգապուրում գտնվող օնլայն փոխադրումներ իրականացնող Grab ընկերությունը առաջին եռամսյակում ներգրավել է մոտ 2,5 մլրդ դոլարի վենչուրային ներդրում: The Straits Times պարբերականը հայտնում է, որ սա աշխարհում ռեկորդային ցուցանիշ է:
Սա վերջին 8 տարում ամենախոշոր ցուցանիշն է: Փորձագետները ուշադրություն են դարձրել, որ ինդոնեզական Go-Jek սթարթափը, որը նույնպես մասնավոր փոխադրումների ծառայություններ է իրականացնում, առաջին եռամսյակում ստացել է մոտ 1,5 մլրդ դոլարի ներդրում:
Անցյալ ամսվա վերջին Grab-ը հայտարարել էր գլխավոր մրցակից ամերիկյան Uber ընկերության հետ Հարավարևելյան Ասիայում իր բիզնեսների միանալու մասին: Ներկայացված ծրագրի համաձայն՝ Uber-ը պետք է ստանա արժեթղթերի 27,5 տոկոսը: Գործարքի արժեքը չի հրապարակվում: Այսօրվա դրությամբ Grab սթարթափն ունի բջջային հավելվածի ավելի քան 86 մլն բեռնում, գործում է Վիետնամի, Կամբոջայի, Ինդոնեզիայի, Մալայզիայի, Մյանմարի, Սինգապուրի, Թաիլանդի, Ֆիլիպինների ավելի քան 190 քաղաքներում: