DxOMark հարթակը, հրապարակել է լավագույն տեսախցիկն ունեցող սմարթֆոնների տասնյակը: Լավագույնների շարքում շատ են Huawei-ի սմարթֆոնները:
Huawei P20 Pro
Այս սմարթֆոնը գերազանցել է մյուսներին առնվազն 10 միավորով: Այն ունի եռակի տեսախցիկ, 4K-ով տեսանյութեր նկարելու հանրավորություն: Սմարթֆոնն առաջին հորիզոնականն է գրավել ռեսուրսի բոլոր մասնագետների կարծիքով: Այն կարողացել է ստիպել զիջել դիրքերն անգամ Google Pixel 2-ին, որը նախորդ տարի բացարձակ առաջատար էր:
Huawei P20
Չնայած այն բանին, որ այս մոդելն իր տեխնիկական նկարագրով շատ է զիջում P20 Pro-ին, այն մեծ առավելություն ունի մյուս սմարթֆոնների նկատմամբ:
Samsung Galaxy S9 Plus
Samsung-ի ներկայացրած այս մոդելը միանգամից իր տեղը գրավեց լավագույն տեսախցիկն ունեցող սմարթֆոնների շարքում: Այն աչքի է ընկնում ոչ միայն լուսանկարների շատ բարձր որակով, այլև թույլ է տալիս նկարել տեսանյութեր 4K հզորությամբ և 60 կադր մեկ վայրկյանում արագությամբ:
Google Pixel 2
Այս տարի Google-ի ներկայացրած սմարթֆոնը մի փոքր զիջել է դիրքերը, բայց դեռևս համարվում է լավագույններից մեկը: Տեսախցիկը կարողանում է ստանալ որակյալ պատկեր լուսավորության բոլոր մակարդակներում, արագ և հստակ կարգավորում է ֆոկուսը, պահպանում է սպիտակի հավասարակշռությունը թե՛ սենյակում, թե՛ դրսում: Սմարթֆոնը հատկապես հարմար է տեսանյութեր նկարելու համար:
