Apple ընկերությունը հեռացրել է իր մի քանի աշխատակցի ընկերության գաղտնի տեղեկատվությունը տարածելու համար։ Աշխատակիցները գաղտնի տվյալներ էին փոխանցել Bloomberg–ին։ Փաստաթղթում ասվում է, որ նախորդ տարի ընկերությունում բռնել են տեղեկատվության արտահոսքերի 29 հեղինակի, ընդ որում նրանցից 12-ը ձերբակալվել են։
Apple-ում հրաժարվել են մեկնաբանություններ անել մամուլում հայտնված փաստաթղթի վերաբերյալ։
Տեղեկատվության արտահոսքի պատճառով , նախքան թողարկումը, հայտնի է դարձել iPhone X-ի ու Apple Watch 3-ի մի շարք կարևոր ինովացիոն առանձնահատկությունների մասին։ Առհասարակ այսպիսի ինֆորմացիայի ժամանակից շուտ տարածումը կարող է ազդել դեռ չթողարկված սարքի վաճառքների վրա։ «Մենք ցանկանում ենք հնարավորություն ունենալ պատմել մեր հաճախորդներին՝ ինչու է տվյալ պրոդուկտը հրաշալի, այլ ոչ թե այդ մասին անորակ ձևով պատմի մեկ այլ աղբյուր»,- բացատրվում է փաստաթղթում։
