Վերջերս Apple Watch խելացի ժամացույցը հերթական անգամ փրկել է օգտատիրոջ կյանք։ Գաջեթը Գաստոն դը Ակինոյին հիվանդանոց է «ուղարկել» այն բանից հետո, երբ հայտնաբերել է նրա մոտ սրտի խնդիրներ։ Չնայած օգտատերն իրեն բավական լավ է զգացել, բայց հետազոտության արդյունքում պարզվել է, որ նրա սրտի երեք պսակաձև զարկերակներից 2–ը չեն գործել, իսկ երրորդը` միայն 10 տոկոսով։
Գաստոնը եկեղեցում է եղել, երբ Apple Watch–ը նրան ծանուցում է ուղարկել սրտի վատ աշխատանքի մասին։
«Նախկինում կրդում էի նման դեպքերի մասին, բայց չգիտեի, որ այս գաջեթներն այսքան լուրջ են աշխատում»,– նշել է նա։
Վիրահատությունն անցել է հաջող և այժմ օգտատերն աշխատում է չբաժանվել իրե սիրելի գաջեթից։ Նրա կարծիքով խելացի փրկչի գլխավոր առավելությունն այն է, որ միշտ ձեռքին է և միշտ հետևողական է։
Նա անգամ Թիմ Քուկից էլեկտրոնային նամակ ստացել, որտեղ ընկերության ղեկավարը շնորհակալություն է հայտնել պատմությունը բարձրաձայնելու համար։