Microsoft-ը կրկին ԱՄՆ բոլոր 17 հետախուզական ծառայությունների հետ տվյալների հեռակա պահման ամպային ծառայություններ տրամադրելու մասին պայմանագիր կկնքի։
Խոսքը ոչ միայն նախորդ պայմանավորվածությունների երկարաձգման մասին է: Այժմ հատուկ ծառայությունները կկարողանան անցնել Office 365 պլատֆորմի հիման վրա հավելվածների հետ աշխատանքին, այդ թվում նաև՝ այնպիսինների, որոնց հետ կարելի է աշխատել հեռակա կարգով: Նախկինում այդ բոլոր գործառույթները հասանելի չէին:
Ընդ որում, Microsoft-ն այս ոլորտում կառավարության միայն մատակարարը չէ: Տարիներ շարունակ այս տեղը զբաղեցնում է Amazon-ի դուստր` Amazon Web Services ձեռնարկությունը: Այն Կենտրոնական հետախուզական վարչության հետ կնքած 600 միլիոն դոլար արժողությամբ պայմանագրի շնորհիվ աշխատում է բազմաթիվ պետական կառույցների, ինչպես նաև ողջ հետախուզական համայնքի հետ:
