Lenovo ընկերությանը պատկանող Motorola բրենդը պատրաստվում է նոր սմարթֆոն թողարկել։ Moto Z3 Play նորույթի հետ մեկտեղ ընկերությունը կթողարկ նաև Moto Mods մոդուլը, որը թույլ կտա սմարթֆոնները զինել 5G ցանցով։ Ի դեպ` նոր տեխնոլոգիան նախատեսված է լինելու նաև Motorola–ի հին սերնդի սմարթֆոնների համար էլ։
Գաջեթի հնարավոր լուսանկարներն արդեն հայտնվել են XDA Developers հարթակում։ Ամենայն հավանականությամբ, Moto Z3 Play–ը կորպուսի հետևի մասում կունենա փոքրիկ ելուստ, որտեղ և կտեղավորեն 5G–ի համար նախատեսված նոր տեխնոլոգիան։
2016–ին թողարկված Moto Z մոդելը մասսայականություն չի վայելում և լուրեր են պտտվում, որ բրենդի երրորդ սերիան կդառնա վերջինը։
Ընկերությունը հույս ունի, որ այս մոդուլը մասսայաան կդարձնի սմարթֆոնները։ Հնարավոր է ընկերությունը դրանք շուկա դուրս բերի առաջիկա 2 տարվա ընթացքում։
Moto Z3 Play–ը կստանա 6 դյույմ անկյունագծով AMOLED FullHD+ էկրան Snapdragon 636 պրոցեսոր, որը կունենա 4 գբ օպերատիվ հիշողություն։
Ունի նաև microSD քարտի հնարավորություն։ Օպերացիոն համակարգը`Android 8.1 Oreo։ Նորույթն, ամենայն հավանականությամբ, կներկայացնեն հաջորդ ամիս։