Siri, Safari, Apple Music. iOS 12 նոր գործառույթներ, որոնց մասին Apple–ը չխոսեց շնորհանդեսին

Siri, Safari, Apple Music. iOS 12 նոր գործառույթներ, որոնց մասին Apple–ը չխոսեց շնորհանդեսին

Հաճախ  WWDC–ի ժամանակահատվածը չի բավականացնում, որպեսզի խնձորային բրենդի ներկայացուցիչներն ամբողջությամբ  ցուցադրեն իրենց նորարարությունները։ Այդ իսկ պատճառով էլ ստացվում է այնպես, որ օպերացիոն համակարգի որոշ թարմացումները մնում են ստվերում և դրանք կամաց–կամաց բացահայտում են օգտատերերը։

Safari–ում պատուհանները

Այժմ  iPhone X–ում հորիզոնական դիրքով օգտագործելու դեպքում ցուցադրվում է բրաուզերում բացված բոլոր պատուհանները, ինչպես  iPad–ում։ Մյուս պատուհան անցնելու դեպքում այլևս պետք չէ բացել բոլոր վեբ էջերը և թերթել մինչև գտնել այն, ինչ հարկավոր է։

Նույնանման գաղտնաբառերի կիրառման ծանուցում

Գաղտնաբառերի ստանդարտ մենեջերում նույնպես նորություններ կան։ Այժմ, եթե նույն գաղտնաբառն օգտագործվում է տարբեր կայքերում սմարթֆոնը կհայտնի այդ մասին  և կառաջարկի փոփոխել։

Արագացված անիմացիա

Apple–ը խոսում էր ամբողջ համակարգի արագացված աշխատանքի մասին, բայց այդպես էլ չնշեց, որ արագացրել է մի քանի անիմացիա։ Օրինակ` Reachability  ռեժիմում հավելվածները գործարկվում են միանգամից, նույնը նաև Face ID–ի միջոցով ապաարգելափակման անիմացիայի մասին է։

Համակարգի ինքնաբերաբար թարմացվելը

iOS–ի կարգավորումներում հայտնվել է նոր գործառույթ, որը թույլ է տալիս ինքնաբերաբար թարմացնել օպերացիոն համակարգը։ Եթե գործառույթը ակտիվացրած է, ապա անհրաժեշտության դեպքում, առանց որևէ խոչընդոտի գաջեթը կսկսի թարմացնել օպերացիոն համակարգը։ Գործառույթը կարելի է նաև անջատել։

Apple Music–ում երաժշտություն փնտրելը

Այժմ երաժշտությունը կարելի  է Apple Music–ում փնտրել անգամ չիմանալով դրա անվանումն ու կատարողին։ Պետք է ուղղակի մուտքագրել մտապահած բառերն ու վերջ` ծրագիրը կգտնի այն։

Animoji–ի ձայնագրություն մինչև 30 վայրկյան

Նախկինում թույլատրվում էր տեսագրել մինչև 10 վայրկյան տևողութամբ հոլովակներ։ Այժմ կարել է ձայնագրել կես րոպե տևողությամբ։

Նոր լեզուներ թարգմանչում

Siri–ն սովորել է նոր 50 լեզու  և թարգմանություններ կատարելը արդեն ավելի հեշտ է։ Հայերեն դեռ չի հայտնվել։