Apple ընկերությունը մի քանի օր առաջ ներկայացրել էր iOS օպերացիոն համակարգի նոր ու ամենամեծ թարմացումը։ iOS 12–ը ներկայումս հասանելի է միայն բետա տարբերակով, իսկ բոլոր օգտատերերին այն հասանելի կդառնա աշնանը։ Օպերացիոն համակարգը զինված է շատ գործառույթներով ու բավական հետաքրքիր նորություններով։
Նոր գործառույթներ են ստացել նաև AirPods ականջակալները: iOS 12-ում AirPods-ը լսողության հետ խնդիրներ ունեցող օգտատերերի համար կծառայի որպես գործիք` լսողության ապարատ։
Tech Crunch-ի հաղորդմամբ, Apple-ի Live Listen գործառույթն այսուհետ նախատեսված կլինի ոչ միայն սմարթֆոնի աուդիոֆայլերը գործարկելու, այլ նաև iPhone-ի բարձրախոսի «լսածը» անմիջապես ականջակալներին փոխանցելու համար: