FimeTech ընկերության հիմնադիր և Chessify հավելվածի համահեղինակ Գոռ Վարդանյանն իր ֆեյսբուքյան էջում տեղեկացնում է, որ այսուհետ խնձորային բրենդի երկրպագուները նույնպես կկարողանան օնլայն շախմատ խաղալ ու կատարելագործել իրենց գիտելիքները այս բնագավառում։
Chessify–ի iOS տարբերակը կարելի է ներբեռնել App Store–ից։
Հիշեցնենք, որ Chessify–ը ստեղծվել է 2016 թվականի օգոստոսի 1–ին։ Այն եղակի հարթակ է, որը թույլ է տալիս ոչ միայն շախմատ խաղալ, այլ նաև հեռախոսով գրքից նկարել շախմատի խնդիրը, թվայնացնել, ստանալ խաղաքարերի դիրքի վերաբերյալ վերլուծություններ, իրական շախմատային խաղի ժամանակ կարող է ծառայել նաև որպես ժամացույց, բացի այս` լուծումներ է առաջարկում նաև պրոֆեսիոնալ շախմատիստների համար։ Հավելենք, որ Chessify–ը անցյալ տարվա SeedStars Yerevan–ի հաղթողն է։
Սյուզան Թոսունյան