Մեքսիկայի իշխանությունները երեկ նախազգուշացրել են, որ WhatsApp հավելվածում երեխաների համար վտանգավոր խաղեր ու հավելվածներ կան։
Momo անունով ինտերակտիվ խաղը տարածվում է WhatsApp-ի միջոցով: Խաղի հիմնական թեման բռնությունն ու սպանություններն են։ Բացի այդ այն հաճախ խաղացողներին բռնության տեսարաններով նկարներ է ուղարկում և առաջարկում կատարել որոշակի գործողություններ։ Եթե դեռահասը հրաժարվում է, նրան սկսում են սպառնալ:
Արգենտինայի ոստիկանությունը մտավախություն ունի, որ Momo-ն հունիսի 29-ին ինքնասպանություն գործած 12-ամյա աղջկա մահվան պատճառն է դարձել։ Անչափահասը ինքնասպանությունից մի քանի րոպե առաջ տեսանյութ էր նկարահանել, որն էլ կասկածների հիմք է հանդիսացել։