Bloomberg-ի փոխանցմամբ Google-ի ամենամյա շնորհանդեսը, որի շամանակ կներկայացվի նաև Pixel-ի երրորդ սերունդը տեղի կունենա հոկտեմբերի 9-ին:
Pixel-ը ֆիրմային ֆլագման սմարթֆոնների շարք է, որը ստեղծվում է միշտ բարձրորակ նյութերից և ստանում է Android համակարգի ամենաթարմ և հզոր տարբերակը:
Pixel և Pixel XL առաջին մոդելները Google-ը ներկայացրել է 2016 թվականի հոկտեմբերի 4-ին: Սմարթֆոնները ցույց տվեցին, որ մեկ տեսախցիկ ունենալով՝ կարելի է ստանալ լավագույն կադրերը: Դրա համար պետք է լավ օպտիկային ավելացնել ծրագրային լավ ապահովում:
Մեկ տարի անց՝ 2017-ի հոկտեմբերի 4-ին Google-ը թողարկեց իր Pixel 2 և Pixel 2 XL սմարթֆոնները, որոնք ցուցադրեցին աշխատանքի չտեսնված արագություն և թույլ լուսավորության դեպքում բավական հաջողված կադրեր:
Pixel 3 և Pixel 3 XL ըստ ենթադրության պետք է հենց հոկտեմբերի 4-ին թողարկվեին, բայց ընկերությունը որոշել է հետաձգել մի քանի օր շնորհանդեսը՝ այն տեղափոխելով հոկտեմբերի 9-ին:
Google Pixel 3 և Pixel 3 XL սմարթֆոնները կստանան OLED 5,4 և 6,7 դյույմանող էկրաններ, Snapdragon 845 պրոցեսոր և 4 գբ օպերատիվ հիշողություն:
