Ռուսական «ԱվտոՎԱԶ»-ի ամենահայտնի քրոսովերի՝ Lada 4×4-ի սերնդափոխության համար դեռևս շատ ժամանակ կա: Նորույթը կցուցադրվի 3-4 տարուց, սակայն դրա վերաբերյալ պաշտոնական տեղեկությունները շատ են:
Ինչպես նշում է ria.ru-ն, նոր մոդելը կլինի շքեղ քրոսովեր: Այն կզրկվի «Նիվա» անունից ու պարզապես կկոչվի 4×4:
Նորույթի պաշտոնական մոդելի շնորհանդեսը կկայանա 2021թ., մինչդեռ սերիական արտադրությունը կսկսվի 2022թ.:
Հիմնական պատճառը, որ ընկերությունը չի շտապում նոր մոդելի թողարկման հարցում այն է, որ ներկայիս «Նիվա»-ն մեծ պահանջարկ է վայելում և Ռուսաստանում ամենաշատ վաճառվող մեքենաներից է:
Հավելենք, որ «Նիվա»-ն արտադրվում է արդեն 41 տարի ու «ԱվտոՎԱԶ»-ի ամենահայտնի մոդելներից է:
