Ցուկերբերգը Facebook-ի բոլոր պաշտոնյաներին կարգադրել է Android-ով գործող հեռախոսներ օգտագործել

Ցուկերբերգը Facebook-ի բոլոր պաշտոնյաներին կարգադրել է Android-ով գործող հեռախոսներ օգտագործել

Աշխարհի խոշորագույն սոցկայքի՝ Facebook-ի գլխավոր գործադիր տնօրեն Մարկ Ցուկերբերգն ընկերությունում ղեկավար պաշտոններ զբաղեցնող անձանց կարգադրել է բացառապես Android օպերացիոն համակարգով գործող հեռախոսներ օգտագործել:

Ինչպես նշում է The Verge-ը, Ցուկերբերգը նման որոշում է կայացրել, երբ Android-ով գործող սմարթֆոնների մրցակից iPhone արտադրող ընկերության՝ Apple-ի գլխավոր գործադիր տնօրեն Թիմ Քուկը քննադատել է  Facebook-ին՝ նշելով, որ սոցկայքը միջամտում է օգտատերերի անձնական կյանքին:

Նշվում է, որ Android-ն աշխարհում գերիշխող օպերացիոն համակարգ է: Հարավային Ամերիկայում, Եվրոպայում, Ռուսաստանում, Հարավային Ասիայում ու Մերձավոր Արևելքում այն ավելի տարածված է, քան Apple-ի iOS-ը: