DuckDuckGo որոնողական համակարգի անցկացրած հետազոտության համաձայն, Google-ն անհատականացնում է որոնման արդյունքները անգամ, եթե օգտատերն այն կատարում է գաղտնի ռեժիմում:
Ի սկզբանե պետք է նշել, որ DuckDuckGo-ի հետազոտությանն այդքան էլ վստահել պետք չէ, քանի որ ընկերությունն աշխատում է Google-ի հետ նույն շուկայում և հիմնական շեշտադրությունն այստեղ դրվում է անոնիմ որոնման վրա:
Հետազոտությանը մասնակցել է 87 մարդ, որոնք պետք է Google տեղեկատվություն փնտրեին 3 թեմայով՝ զենքի շրջանառության մասին, մարդկանց ներգաղթ և վակցինացիա: Սկզբում նրանք տեղեկատվությունը փնտրել են Google-ի սովորական ռեժիմում, ապա՝ գաղտնի:
Հետազոտողները պարզել են, որ արդյունքների մեջ էական տարբերություն չի նկատվել, բայց պետք է այդ տարբերությունը լիներ: Իսկ ահա 87 մարդու համար էլ որոնման արդյունքները տարբեր են եղել: