Կիբերանվտանգության փորձագետները մի քանի տասնյակ վտանգավոր հավելվածներ են գտել, որոնք վնասաբեր են խնձորային սմարթֆոնների համար: Նման վնասաբեր ծրագրերը ժամանակին հանգիստ չեն տվել նաև Android օգտատերերին: Հերթը հիմա iPhone-ի սիրահարներինն է: Ծրագիրն ստացել է Golduck անվանումը։ Այն չարագործներին թույլ է տալիս հեռահար գործողությունների միջոցով SMS հաղորդագրություններ ուղարկել կիբերզոհերի սմարթֆոններից: Սա նորույթ չէ, այն արդեն 1 տարի է հայտնի է կիբերանվտանգության մասնագետներին:
Ամբողջ խնդիրն այն է, որ այս ծրագրերով <<հիվանդացել>> են դասական բոլոր հավելվածները: Հիմա, երբ հերթը հասել է iPhone-ին, մասնագետները փաստում են՝ <<չնայած կայուն օպերացիոն համակարգի, վարակումն անխուսափելի է>>:
Golduck-ն արդեն հայտնաբվերվել է iOS-ի համար նախատեսված 14 հավելվածում: Ի դեպ՝ այս համակարգում վնասաբեր ծրագիրը ռետրո խաղերի տեսք ունի: Apple-ը արագ է արձագանքել իրավիճակին և վստահեցրել, որ App Store-ն ազատված է նման խաղերից և հավելվածներից: Սակայն մասնագետները հորդորում են զգույշ լինել: