Ներկայացվել է Oppo F11 Pro-ն՝ շարժական տեսախցիկով նոր սմարթֆոնը

Ներկայացվել է Oppo F11 Pro-ն՝ շարժական տեսախցիկով նոր սմարթֆոնը

Oppo ընկերությունը ներկայացրել է իր նոր  F11 Pro սմարթֆոնը, որը ստացել է առանց շրջանակի էկրան և շարժական տեսախցիկ։ Դեմքի ճանաչման համակարգը գործարկելիս ու սելֆի անելիս՝ տեսախցիկը միկրովայրկյանների ընթացքում ի հայտ է գալիս։

Նորույթը ստացել է  6,53 դյույմանոց LCD էկրան, որը զբաղեցրել է դիմային հատվածի մոտ  90,9%  տոկոսը։

Գաջեթը ստացել է  MediaTek Helio P70 պրոցեսոր, 4/6 գբ օպերատիվ և   64/128 գբ ներկառուցված հիշողություն։ 4000 մաժ հզորությամբ մարտկոցը  VOOC 3.0 արագ լիցքավորման տեխնալագիայի շնորհիվ ամբողջությամբ կարելի է լիցքավորել 80 րոպեի ընթացքում։

Հիմնական տեսախցիկն ունի 2 մոդուլ՝  48+5 մպ։ Տեսախցիկն ունի նաև մութ տարածքում լուսանկարելու համար նախատեսված ռեժիմ։ Գաջեթն ունի նաև մատնահետքի սքաներ, որը տեղադրված է հետնամասում և երկու SIM քարտի հնարավորություն։ Oppo F11 Pro-ի արժեքը դեռ հայտնի չէ։

Թեգեր: Oppo, Oppo F11 Pro