NatWest բրիտանական բանկը թողարկել է կենսաչափական ցուցիչներով առաջին վճարային քարտերը

NatWest  բրիտանական բանկը թողարկել է կենսաչափական ցուցիչներով առաջին վճարային քարտերը

Մատնահետքի սքաներով առաջին վճարային քարտերն արդեն հասանելի են բանկի օգտատերերի համար։ Իհարկե, հիմա այն հասանելի կլինի բետա թեստավորման փուլում ընդգրկված օգտատերերի համար։

NatWest բանկը այսպիսով հույս ունի, որ նման տեխնոլոգիայի կիրառմամբ բանկային քարտերը կդառնան ավելի ապահով և կհեշտացնեն վճարման ընթացքը։ Բանկը քարտը ստեղծելիս համագործակցել է կիբերանվտանգություն ապահովող Gemalto ընկերության հետ։

Նման քարտ ստանալու համար օգտատերերը պետք է այցելեն NatWest մասնաճյուղեր, որպեսզի սքանավորեն մատնահետքը։ Ապագայում այս գործընթացը կդառնա ավելի հարմարավետ և օգտատերերը կկարողանան մատնահետքը սքանավորել սմարթֆոնի միջոցով։

Թեգեր: bank, Master Card, NatWest, Visa