Apple-ը 2,5 մլրդ դոլար կհատկացնի Կալիֆոռնիայում մատչելի բնակարանների կառուցման համար

Apple-ը 2,5 մլրդ դոլար կհատկացնի Կալիֆոռնիայում մատչելի բնակարանների կառուցման համար

Ամերիկյան Apple ընկերությունը երկու տարվա ընթացքում 2,5 մլրդ դոլար կհատկացնի Կալիֆոռնիա նահանգում իրականցվող մատչելի բնակարանների կառուցման ծրագրերին, ինչպես նաև դրանց ձեռքբերման հարցում քաղաքացիներին աջակցելուն: Այս մասին ասված է ընկերության կայքում հրապարակված հայտարարության մեջ:

Նշվում է, որ կորպորացիայի ղեկավարությունը մտահոգված է Կալիֆոռնիայում տների և բնակարանների արժեքի կտրուկ աճով: Apple-ը նախատեսում է 1 մլրդ դոլար հանգանակություն ուղարկել հիմնադրամին, որից էլ վարկեր կհատկացնեն մատչելի բնակարան կառուցելու համար: Ընկերությունը 1 մլրդ դոլար կներդնի հիփոթեքային հիմնադրամում, որից վարկեր կտրամադրեն նահանգի կարևորագույն ծառայությունների աշխատակիցներին, դպրոցական ուսուցիչներին, զինվորական ծառայություն անցած անձանց բնակարան ձեռք բերելու համար: Ընկերությունը նաև 300 մլն դոլար արժողությամբ հողատարածքներ կհատկացնի մատչելի բնակարանների կառուցման համար:

Բացի այդ, 150 մլն դոլար կուղղվի Սան Ֆրանցիսկոյի շրջանում շինարարության նախագծերի ֆինանսավորմանը: Եվս 50 մլն դոլար Apple-ը որպես օգնություն կտրամադրի անօթևաններին:

Թեգեր: Apple