2020 թվականին կթողարկվի ռուսական առաջին էլեկտրական մեքենան

Առաջին ռուսական էլեկտրամոբիլը սերտիֆիկացիայի վերջին փուլում է: Մեքենայի արտադրությունը կսկսվի արդեն 2020թվականի առաջին եռամսյակում: Այդ մասին հայտնել Է ՌԴ արդյունաբերության և առևտրի նախարար Դենիս Մանտուրովը:

Ավելի վաղ ընկերությունը հայտարարել էր, որ արտադրության առաջին տարում պատրաստվում է թողարկել նվազագույնը 2 000 մեքենա՝ հետագայում այդ ցուցանիշը տարեկան մինչև 15 000-ի հասցնելու միտումով:

Էլեկտրամոբիլները կարտադրվեն Տոլյատիի ավտոմոբիլային գործարանում: Բոլոր ավտոմասերը կլինեն հայրենական արտադրության: Բացառություն կկազմեն մարտկոցները, որոնք կգնվեն չինական ընկերությունից:

Մեկ լիցքավորմամբ ռուսական էլեկտրական մեքենան կհաղթահարի մինչև 200կմ տարածություն՝ 120կմ/ժ առավելագույն արագությամբ: Էլեկտրամոբիլը կարժենա 450 000 ռուբլի($7000):