Կորոնավիրուսի դեմ պայքարի շրջանակներում Դոնալդ Թրամփը կգործակցի ԱՄՆ մեդիաընկերությունների ու խոշոր թվային հարթակների հետ

Կորոնավիրուսի դեմ պայքարի շրջանակներում Դոնալդ Թրամփը կգործակցի ԱՄՆ մեդիաընկերությունների ու խոշոր թվային հարթակների հետ

ԱՄՆ նախագահ Դոլանդ Թրամփը հայտարարել է, որ սկսելու է գործակցել երկրի խոշորագույն մեդիաընկերությունների, գովազդային գործակալությունների ու թվային հարթակների հետ, որպեսզի հնարավորինս արդյունավետ ու ճիշտ տեղեկատվություն հասցնեն ամերիկացիներին կորոնավիրուսի մասին։ Այս գործակցությունը նոր կորոնավիրուսի տարածման դեմ պայքարի մի մասն է կազմում։ Լինելու է տեղեկատվություն հիվանդության, դրա տարածման ու պաշտպանության միջոցների վերաբերյալ։

NBCUniversal-ը կստեղծի վիդեո կոնտենտն ու համակարգչային գրաֆիկան, անգլերեն ու իսպաներեն լեզուներով, որպեսզի ավելի պատկերավոր բացատրեն քաղաքացիներին՝ ինչպես պաշտպանվել կորոնավիրուսից։ Disney-ն ու ABC-ն կարճ հաղորդագրություններ կտարածեն իրենց հեռուստաալիքներով ու ընտանեկան փաթեթների հեռուստաալիքներով։ iHeartMedia-ն, որը ղեկավարության տակ մի քանի ռադիոկայաններ կան, նույնպես կարճ հաղորդագրություններ կտարածի սոցիալական մեկուսացման անհրաժեշտության վերաբերյալ։

ViacomCBS ընկերությունը #AloneTogether քարոզարշավը կիրականացնի։ Թիրախային լսարանը կլինեն երիտասարդական այնպիսի բրենդերը, ինչպիսիք են MTV-ն, Comedy Central-ը, Nickelodeon-ը, Paramount Network-ը, CMT-ն, VH1-ը, BET-ը, CBS-ը , CBS AllAccess-ը, Awesomeness-ը, Pluto TV-ն ու Showtime-ը։ Համազգային քարոզարշավը «տաղանդների ղեկավարությամբ» կապահովի կրթական մասը։ Մարդկանց կսովորեցնեն սոցիալական մեկուսացման կարևորությունն ու կքարոզեն «ժամանցային ծրագրերի օգնությամբ ինքնամեկուսացումը»։ Այս ակցիան հասանելի կլինի անգլերեն ու իսպաներեն լեզուներով, սրան կաջակցի CBS-ը՝ «Այս հարցում մենք միասին ենք» նախագծով։ Այս նախագծի շրջանակներում կլինի հանրային առողջության վերաբերյալ տեղեկատվության փոխանականություն ու տարածում։

Nickelodeon-ը հատուկ ծրագիր է մշակում երեխաների համար, որի շրջանակներում փոքրիկներին կբացատրեն ձեռքերը ճիշտ լվանալու առանձնահատկություններն ու դրա կարևորությունը ու կապահովեն հեռավար դասապատրաստումը։

Թեգեր: media, Trump, USA