Indiegogo համաֆինանսավորման կայքում ներկայացվել է 8Cups «խելացի» շիշը, որը կօգնի հետևել առողջ ապրելակերպին։ Մասնագետները խորհուրդ են տալիս օրական խմել մոտ երկու լիտր ջուր, սակայն քչերն են հետևում այս ռեժիմին։
Ջրազրկումը հանգեցնում է մի շարք խնդիրների, այդ թվում՝ հոգնածության և նյութափոխանակության դանդաղման։ 8Cups շիշն աշխատում է սմարթֆոնի համապատասխան հավելվածի հետ միասին։ Այն ունի LED-էկրան, որի լույսը թարթում է՝ հիշեցնելով ջուր խմելու անհրաժեշտության մասին։ Խմած ջրի ծավալի մասին ինֆորմացիան ուղարկվում է սմարթֆոնին Bluetooth-կապի միջոցով։ Շիշն ունի բավական գեղեցիկ դիզայն և հարմար է օգտագործման մեջ։
Սարքը վաճառվում է հինգ գույներով։ Սպասվում է, որ շշերի վաճառքը կմեկնարկի 2015-ի ապրիլին։
Աղբյուրը՝ Indiegogo
