Apple ընկերությունը հայտարարել է, որ Burberry ընկերության ղեկավար Անջելա Ահրենցն այսուհետ կղեկավարի Apple-ի վաճառքի բաժինը: Նա կփոխարինի Ջոն Բրոուվեթին, ով լքել է ընկերությունը 2012-ի հոկտեմբերին:
Ահրենցը, նախքան բրիտանական Burberry-ի ղեկավար դառնալը, մեծ փորձ է ունեցել նորաձևության ոլորտում՝ լինելով Liz Claiborne-ի գործադիր փոխնախագահը և Donna Karan International-ի նախագահը:
Հիշեցնենք, որ հուլիսին Apple-ն աշխատանքի է ընդունել նաև Փոլ Դնյովին, ով Yves Saint Laurent ընկերության ղեկավարն էր:
Աղբյուրը՝ cnet.com
