Amazon Echo–ն ձայնագրել է ամուսինների զրույցն ու ուղարկել երրորդ անձին։
Amazon Echo խելացի բարձրախոսը ձայնագրել է ամուսինների խոսակցությունն ու այն ուղարկել անծանոթ մարդկանց։ Amazon–ը վստահեցնում է` սարքը մի քանի անգամ նախազգուշացրել է իր անելիքների մասին, սակայն ամուսնական զույգը ուշադրություն չի դարձրել դրան։
Որոշ ժամանակ առաջ այս ընտանիքն իրենց Պորտլենդում ապրող բարեկամը հորդորել է անջատել տան բոլոր խելացի գաջեթները, քանի որ նա պարբերաբար ստացնում է ամուսնական զույգի զրույցների ձայնագրությունը։ Ամուսնական զույգը որոշել է, որ, ամենայն հավանականությամբ, մեղավոր էլ հենց Echo–ն և բողոք ներկայացրել Amazon: Ընկերությունը միանգամից արձագանքել ու ասել է, թե ինչպես և ինչու է դա տեղի ունեցել։
Amazon–ից վստահ են, որ զրույցի ընթացքում ամուսինները Alexa–ի հրահանգների շարքից որոշ բառեր են օգտագործել, ինչի արդյունքում էլ Echo–ն սկսել է գործել։ Թե ինչպես է խելացի բարձրախոսը ընտրել ձայնագրությունը ստացողին, պարզ չէ։ Amazoon–ը այս միջադեպը բնութագրում է ոչ թե որպես սարքի խոտան, այլ` անախորժ դեպք։
