Facebook սոցցանցը Messenger Kids հավելվածում «քնած» ռեժիմ կավելացնի՝ ծնողներին թույլ տալով հետևել և անհրաժեշտության դեպքում սահմանափակել դրա օգտագործումը։
Այժմ ծնողները կարող են ժամ սահմանել, թե երբ հավելվածը անհասանելի կդառնա և երեխաները չեն կարողանա օգտվել դրանից։ Կարող է լինել որպես մեկանգամյա սահմանափակում, օրինակ ամեն օր 21:00-ից հետո կամ ամեն օր տարբեր ժամեր սահմանել։
Facebook-ը մինչև 13 տարեկան երեխաների համար նախատեսված հավելվածը գործարկել էր դեկտեմբերին: Հավելվածը թույլ է տալիս ծնողներին տեսնել, թե ինչ են անում իրենց երեխաները վիրտուալ տարածքում և չի պարունակում գովազդ։