LG ընկեությունը CES 2015 ցուցահանդեսին ներկայացրել է երկար սպասված G Flex 2 սմարթֆոնը, որն ունի շատ լավ դիզայն և հարմար է օգտագործման մեջ: Սարքը կորացած է 4 կողմից, այնպես որ անկյունները մի փոքր բարձր են: Հեռախոսը կվաճառվի սև և կարմիր գույներով:
The Verge-ը գրում է, որ G Flex 2-ն առաջին մոդելն է, որն ունի 2 ԳՀց հաճախականությամբ ութամիջուկ 64 բիտային Qualcomm Snapdragon 810 պրոցեսոր: Օպերատիվ հիշողությունը 2 կամ 3 ԳԲ է, իսկ ներքին հիշողությունը՝ 32 ԳԲ: Սարքն աշխատում է Android Lollipop օպերացիոն համակարգով:
G Flex 2-ի ամրությունն ապահովում է Corning Gorilla Glass 3 ապակին, որը 20%-ով ավելի ամուր է, քան նախորդ սերնդի Gorilla-ն: Սմարթֆոնի մարտկոցը 3000 մԱ/ժ է, այն կիսով չափ լիցքավորվում է 40 րոպեի ընթացքում: Հատուկ ժեստի միջոցով կարելի է սելֆի նկարել:
Թե երբ մոդելը դուրս կգա վաճառքի, առայժմ հայտնի չէ:
