Գրինվիչի թագավորական աստղադիտարանը, որը գտնվում է Լոնդոնի հարավ-արեւելքում եւ որի անունով է կոչվում Գրինվիչի զրոյական միջօրեականը, 60-ամյա ընդմիջումից հետո վերստին կզբաղվի աստղային երկնքի ուսումնասիրությամբ:
Այդ մասին հայտնել է The Daily Telegraph բրիտանական թերթը: Միանգամից չորս հեռադիտակ է տեղակայվել Ալտազիմուտ հին վիկտորիանական տաղավարում, որը կառուցվել է 1894-1896 թվականներին ինժեներ Ուիլյամ Կրիսպի կողմից:
Դրանց օգնությամբ կարելի է իրականացնել Լուսնի եւ Արեգակնային համակարգի մոլորակների, ինչհես նաեւ Արեգակի դիտարկումներ: Գրինվիչի աստղադիտարանը բացվել է 1675 թվականին Կարլ Երկրորդ թագավորի (1630-1685) հրամանով: Աստղագետների խնդիրն էր աստղային երկնքի քարտեզ կազմելը եւ ծովագնացների համար կարեւոր կոորդինատների ճշտումը: Այդ ժամանակվանից այն համարվել է թագավորության գլխավոր աստղադիտարանը, հաղորդել է ՏԱՍՍ-ը:
