Huawei ընկերությունը Չինաստանում ներկայացրել է իր նոր Honor Tab 5 պլանշետը, որը մատչելի տարբերակ է և ունի 8 դյույմ անկյունագիծ։ Ունի 8 մպ տեսախցիկ, իսկ սարքի հիմքը ֆիրմային արտադրության Hisilicon Kirin 710 պորցեսորն է։ Սարքը կունենա երկու տարբեր մոդել՝ կախված հիշողության ծավալից։ Նախատեսված են 3 և 4 գբ օպերատիվ և 32 կամ 64 գբ ներկառուցված հիշողությամբ տարբերակներ։
Պլանշետն աշխատում է Android 9 Pie օպերացիոն համակարգով և ունի GPU Turbo 2.0 գրաֆիկական արագացուցիչի հնարավորություն։
Honor Tab 5-ը ներկայացվում է մի քանի տարբերակով։ Ամենամատչելի մոդելը 3+32 գբ տարբերակը կար-ժենա 163 դոլար, 4+64 գբ տարբերակը՝ 193 դոլար, 209 դոլար՝ 3+32 գբ LTE տարբերակը, 224 դոլար՝ 4+64 գբ LTE-ի համար։
Չինաստանում վաճառքը կմեկնարկի մարտի 12-ից։