Huawei–ը ներկայացրել է իր նոր աքսեսուարները, այդ թվում անլար ականջակալներ։ AirPods անլար ականջակալների կրկնօրինակը ստացել է FreeBuds անունը։
Ընկերությունը վստահեցնում է` մեկանգամյա լիցքավորման դեպքում ականջակալները կարող են անդադար աշխատել շուրջ 10 ժամ։ Ինչը, ի դեպ, լավ ցուցանիշ է, քանի որ գլխավոր մրցակից AirPods–ները մեկ անգամ լիցքավորելու դեպքում աշխատում են ընդամենը 5 ժամ։
Ինչպես AirPods–ը, այնպես էլ FreeBuds ունի հատուկ տուփ, որտեղ տեղադրված են ականջակալներն ու լիցքավորման հատուկ սարքը։
Ըստ ընկերության, նորույթի դիզայնը, ի տարբերություն AirPods–ի, թույլ է տալիս ամբողջական ձայնամեկուսացում ունենալ։ Huawei–ը որոշել է չսահմանափակվել գունային մեկ լուծումով և բացի սպիտակից ստեղծել է նաև սև տարբերակը։
Հայտնի է, որ Եվրոպայի շւոկայում ականջակալները կարժենան 159 եվրո։ Համեմատության համար նշենք, որ AirPods–ը Եվրոպայում արժի 179 եվրո։