Instagram սոցիալական ցանցը թարմացում է թողարկել, որի մեջ նաև ներառվել է տեսազանգեր կատարելու հնարավորությունը: Հավելվածում նաև թեմատիկ ալիքներ և լուսանկարների համար նոր էֆեկտներ կլինեն:
«Տեսազանգի օգնությամբ հնարավոր կլինի ընկերների հետ շփվել iOS և Android հարթակներում՝ առանց բջջային կապից օգտվելու»,- ասված է հաղորդագրությունում:
Տեսազանգին զուգահեռ հնարավոր կլինի հավելվածում այլ գործողություններ կատարել: Videocall-ին միանգամից կարող է 4 օգտատեր մասնակցել:
Հավելվածում հնարավոր կլինի նաև օգտվել երգչուհի Արիանա Գրանդեի, BuzzFeed կայքի և Բասկետբոլի ազգային ասոցիացիայի մշակած նոր էֆեկտներից:
