Apple ընկերությունը թողարկել է իր օպերացիոն համակարգի հերթական թարմացումը, որն իր մեջ ավելի շատ նորույթներ է պարունակում, քան նախորդները։
Ferra-ի փոխանցմամբ, iOS 11.4-ը թողարկվել է iPhone-ի, iPad-ի և iPod touch-ի համար: Թարմացումը ունի AirPlay 2 և iCloud-ում հաղորդագրությունների պահպանման ծրագրային ապահովում: Փաստացի թարմացումը վերադարձնում է այն գործառույթները, որոնք փորձարկվել էին iOS 11.3-ի ժամանակ, սակայն անհասկանալի պատճառներով տեղ չէին գտել թարմացման ընդհանուր տարբերակում։
Նոր թարմացումը հնարավորություն կտա սմարթֆոնի iMessage-ները պահել iCloud-ում և անհրաժեշտության դեպքում դրանք հին սմարթֆոնից տեղափոխել նոր գաջեթի մեջ: Բացի այդ, AirPlay 2-ի ծրագրային ապահովումը թույլ կտա նույն երաժշտությունը միացնել միաժամանակ տան մի քանի սարքավորումներում: Home հավելվածում միացված են նաև ստերեո HomePod-ը և Apple TV-ն, ինչպես նաև Multiroom ֆունկցիան:
iOS 11.4- արդեն հասանելի է բոլորին։
