Orange-ը հայտարարել է մարզային քաղաքների բնակիչների համար նախատեսված «Orange ԿինոTour» ամառային լայնածավալ ծրագրի մեկնարկի մասին, որի շրջանակներում մարզային 10 քաղաքներում կկազմակերպվեն անվճար կինոդիտումներ: Հունիսի 28-ից ընդհուպ մինչև ամռան վերջին շաբաթը, ամեն կիրակի Orange-ը մարզային մեկ քաղաքի բնակիչներին միասին լավ ժամանակ անցկացնելու և մեծ էկրանին «Կորած մոլորվածը Հայաստանում» ընտանեկան կինոկատակերգությունը դիտելու հնարավորություն կընձեռի: Բնակիչներն ընտանիքի բոլոր անդամների հետ միասին բացօթյա կինոթատրոններում կհյուրընկալվեն ժամը 19:00-ից սկսած, որտեղ իրենց կսպասեն մանկական մրցույթներ, բազմաթիվ անակնկալներ և նվերներ: Ցուցադրությանը հաջորդող ողջ շաբաթվա ընթացքում այս քաղաքների և շրջակա գյուղերի բնակիչների համար հասանելի կլինեն ձայնային և ինտերնետ ծառայությունների հատուկ առաջարկներ: Արմավիր քաղաքի բնակիչներն առաջինը կօգտվեն անվճար կինոդիտումից:
Արմավիր քաղաքից հետո «ԿինոTour»-ը կուղևորվի Արարատ, Գյումրի, Վանաձոր, Էջմիածին, Հրազդան, Գորիս, Կապան, Գավառ և Իջևան քաղաքներ:
«ԿինոTour»-ի անցկացման օրերի և ժամանակացույցը հետևյալն է․
Հունիսի 28 – | Արմավիր, Արմավիրի հրապարակ՝ Կարմիր ակումբի դիմաց |
Հուլիսի 5 – | Արարատ, Քաղաքային այգի |
Հուլիսի 12 – | Գյումրի,Դրամատիկական թատրոնի դիմաց |
Հուլիսի 19 – | Վանաձոր, Քաղաքային այգի |
Հուլիսի 26 – | Էջմիածին,Քաղաքապետարանի դիմացի պուրակ |
Օգօստոսի 2 – | Հրազդան, քաղաքապետարանի դիմաց, Սահմանադրության պուրակում |
Օգոստոսի 9 – | Գորիս, Գրիգոր Տաթևացու անվան հրապարակ, քաղաքապետարանի դիմաց |
Օգոստոսի 16 – | Կապան, Քաղաքապետարանի դիմացի այգի |
Օգոստոսի 23 – | Գավառ, Կենտրոնական հրապարակ |
Օգոստոսի 30 – | Իջևան, Իջևանի շատրվանների հրապարակ |