Այս անգամ MacBook Pro սարքերի մոտ բարձրախոսների խնդիր է հայտնաբերվել։ Apple համակարգիչների որոշ օգտատերեր վերջին շրջանում սկսել են բողոքել համակարգչի բարձրախոսի վատ աշխատանքից։ Խոսքը համակարգչի վերջերս թողարկված տարբերակների մասին է։ Երաժշտություն գործարկելու ընթացքում համակարգիչը ժամանակ առ ժամանակ վատ է աշխատում։
Օգտատերերը իրենց դժգոհությունը բարձրաձայնել են Apple և Reddit–ի պաշտոնական ֆորումներում։ Բացի այդ մեծ թվով հոլովակներ են հայտնվել նաև Youtube–ում։
Նոր կորպուսներով արտադրված MacBook Pro–ները հայտնի են իրենց բազմաթիվ խոտաններով, ինժեներական սխալներով, օպերացիոն համակարգի բագերով և այլն։ Առաջին օգտատերերը խնդիրներ են ունեցել նաև ներկառուցված ստեղնաշարի հետ։ Այսքանին հավելենք, որ մասնագետները փաստում են` նոր գաջեթները բավական դժվար է սարքել։ Խնդիրներ կան, որոնք Apple–ն արդեն լուծել է, բայց դրանց լուծմանն ընդառաջ ավելանում են նորերը։
MacBook Pro–ները ներկայացվել են հուլիսի 8–ին։
