The Verge-ի փոխանցմամբ Facebook-ը ջնջել է ընկերության հիմնադիր Մարկ Ցուկերբերգի անձնական էջի հաղորդագրությունները։ Ընկերությունը հաստատել է տեղեկությունը։
Ավելի վաղ մամուլում տարածվեց, որ սոցիալական կայքի ղեկավարությունը առանց հիմնադիր տնօրենի իմացության ջնջել է նրա հաղորդագրությունների հիմնական մասը:
Անվտանգության նկատառումներից ելնելով` ջնջվել են նաև ղեկավար կազմի անձնական էջերի հաղորդագրությունները: Նման քայլը պայմաանավորված է այն բանով, որ վերջերս շատ խոշոր ընկերությունների ղեկավարների էջերը կոտրվել են և անձնական նամակները հասանելի են դարձել հանրությանը: Պարզվել է նաև, որ ընկերությունը ջնջել է միայն 2014 թվականից ի վեր ուղարկված հաղորդագրությունների մի մասը:
Հայտարարության հետ մեկտեղ Facebook-ը հայտարարել է նաև, որ կստեղծի հաղորդագրությունները ջնջելու հատուկ գործառույթ նման դեպքերից խուսափելու համար:
